ՀՈՒՇԵՐ

Հեղինակներ

  • ՀՈՎՀԱՆՆԵՍ ԱՍԱՏՈՒՐԻ ԴԱՐԲԻՆՅԱՆ Երևանի Կոմիտասի անվ. պետական կոնսերվատորիա

Բանալի բառեր-:

Հովհաննես Դարբինյան, Ջիվան Գասպարյան, Հովհաննես Բադալյան, Գ. Նարեկացի, տաղ, թառ, դիրիժոր, հուշեր, համերգ, Պատարագ, Վազգեն Վեհափառ

Ամփոփում

Երևանի Ռ. Մելիքյանի անվ. երաժըշտական ուսումնարանում սկսվեց նոր` 1956-1957 ուսումնական տարին: Բոլորը խոսում էին առաջին կուրսի կոմպոզիտորական բաժնի նորընծա ուսանող Տիգրան Մանսուրյանի մասին, որ հայ երաժշտարվեստը մեծ սպասելիքներ ունի նրանից... Տիգրան Մանսուրյան, Տիգրան Մանսուրյան: Վերջապես ծանոթացա: Նիհարակազմ մի պատանի` սրճագույն, մաշված բաճկոնով իր «ստեղծագործությունների» թղթապանակն աջ թևատակին, անհանգիստ շարժումներով. Մտազբաղ ստեղծագործական հեռուները տանող արահետներով, բոլորին սիրալիր կիրթ ողջունելով հոգատար արտահայտությամբ: Անցնում էին ամիսներ. Նրա մասին խոսում էր ամբողջ ուսումնարանը, իսկ հաստատության տնօրենը` փառահեղ արտաքինով, կոմպոզիտոր Մարտին Մազմանյանը առանձնա-հատուկ հոգատարությամբ էր շրջապատել Տիգրանին. «Տիգրան, Տիգրան... մնում էր ավելացնել «Մեծ» բնութագրումը... Պարզվեց, որ Մ. Մազմանյանը ճիշտ էր «գուշակել» անսովոր պատանու ապագան... Իսկ ես, նրա համակուրսեցիս որպես թառահար և ինքնամփոփ պատանի, զննում էի Տիգրանին ու մտածում, որ նա երկրային էակ չէ: Դժվար ժամանակներ էին, չքավորություն: Տնօրենը զգալով Ման սուրյանի նյութական ծանր վիճակը, իր հնարավորությունների սահմաններում աջակցում էր ապագա կոմպոզիտորին, ամառային արձակուրդներին ուղարկում էր հանգստյան տուն

Հեղինակի կենսագրությունը

ՀՈՎՀԱՆՆԵՍ ԱՍԱՏՈՒՐԻ ԴԱՐԲԻՆՅԱՆ, Երևանի Կոմիտասի անվ. պետական կոնսերվատորիա

(15.06.1940-Բեյրութ՝ Լիբանան-30.12.2016-Երևան՝ Հայաստան), 1946թ. հայրենադարձվել է: Ավարտել է՝ 1967-ին ԵՊԿ խմբավարության և ժողովրդական նվագարանների բաժինները: Դասավանդում է՝ 1980-ից մինչև կյանքի վերջը ԵՊԿ-ում վարել է թառի դասարանը, պրոֆեսոր (2004թ.): Աշխատել է. մենկատար՝ Հայաստանի երգչախմբային ընկերությունում, ղեկավար (1969-1972 թթ.): 1993-ից՝ Ս. Էջմիածնի Մայր տաճարի երգչախմբի ղեկավար, խմբավար: ՀՀ ռադիոյի և Հայֆիլհարմոնիայի երկարամյա մենակատար, որի երկացանկում են հայ ժողովրդական, աշուղական, հոգևոր մեղեդիներ, Կոմիտասի երկերից: Երաժշտագիտական և հայ երաժիշտներին վերաբերող ուսումնական ձեռնարկների հեղինակ է: Նրա մասին ստեղծվել են տեսանյութեր Hovhannes Darbinyan, tar, Komitas "Unabi yev marali", instrumentation for tar Hovhannes Darbinyan: Khachatur Nersisyan “Khoher”, Soloist - Honored Artisr of RA Hovhannes Darbinyan, (tar): Komitas "Het u araj", Hovhannes Darbinyan, (tar): Մատենագիտություն՝ Դարբինյան Հ. Ա., Ապրող հիշողություն, Երևան, 2005: Դարբինյան Հ. Ա., Հայ թառահարներ, 2004: Դարբինյան Հ. Ա., Թառի ձեռնարկ, 1980: Դարբինյան Հ. Ա., Հայկական ժողովրդական պարեղանականեր, 1998: Դարբինյան Հ. Ա., Թառի ուսուցարան, 1998: Դարբինյան Հ. Ա., Հայ քամանչահարներ, քանոնահարներ, ուդահարներ, 2005: Տե՛ս նաև «Ով ով է.հայեր» (կենսագրական հանրագիտարան: Երկու հատորով), ՀՀ խմբ. հանձնաժողով` Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ. 1, Աբալյան-Ղուշչյան, 2005: Կիրակոսյան Ա., Հովհաննես Դարբինյան. Խմբավարն ու թառահարը, Երևան, 2000:

Ներբեռնումներ

Հրատարակվել է

2018-03-22

Ինչպես մեջբերել

ԴԱՐԲԻՆՅԱՆ Հ. Ա. (2018). ՀՈՒՇԵՐ. Երաժշտական Հայաստան, 1(54), 79–90. Retrieved from https://yerazhshtakanhayastan.am/index.php/ma/article/view/36

Թողարկում

Հտ․ 1 Հմր․ 54 (2018): Երաժշտական Հայաստան

Բաժին

Հոդված