Խաչատրյանական կինոերաժշտության առանձնահատկությունները

Ամփոփում

Կինոն առանց երաժշտական ձևավորման թերևս վերջին տասնամյակներում պատկերացնել հնարավոր չէ: Եվ հաճախ երաժշտությունն է դառնում կարևոր տարր՝ հիշողության մեջ ամրագրելու ֆիլմի առանձին տեսարանները և ոչ միայն: Երաժշտության միջոցով են բովանդակային բնույթ ստանում ֆիլմերի մի մասը: Այս ամենը հաշվի առնելով անդրադարձել ենք Արամ Խաչատրյան կինոկոմոզիտորի ստեղծագործական աշխատանքներին՝ ընդգծելով դրանց գեղագիտական և կինեմատոգրաֆիական առանձնահատկությունները: Առանձին ստեղծագործությունների օրինակով փորձել ենք ամբողջացնել նրա կինոերաժշտական ժառանգության կարևորությունն ու արդիականությունը: Կինոյի պատմության համատեքստում դիտարկելով խաչատրյանական կինոերաժշտության բնույթը՝ փորձել ենք ըստ ֆիլմերի առանձնացնել դրանց տրամաբանական և բովանդակային փոխառնչությունները, որոնք նպաստում են ֆիլմերի գաղափարային լրացմանը: Մեր նպատակը նաև խաչատրյանական կինոերաժշտության պատմության ամբողջացումն է: