Որոշ դիտարկոիմներ Վաչե Շարաֆյանի «Ձգողականություն» կամ «Հին աստվածներ» բալետի շուրջ
Բանալի բառեր-:
Վաչե Շարաֆյան, բալետ, ժամանակակից երաժշտություն, Լևոն Շանթ, դրամա, խորեոգրաֆիաԱմփոփում
Հայ երաժշտության պատմության մեջ բալետի ժանրը կարևոր տեղ է գրավում: Սկզբնավորվելով Արամ Խաչատրյանի արվեստում,
բալետն իր բազմազան դրսևորումներն է ունեցել ազգային կոմպոզիտորական դպրոցի ականավոր ներկայացուցիչների ստեղծագործություններում: Հեղինակն անդրադարձել է Վաչե Շարաֆյանի «Ձգողականություն» բալետին: Հայ ժամանակակից կոմպոզիտորական արվեստի ականավոր ներկայացուցիչ Շարաֆյանի երաժշտական ժառանգությունն ընդգրկում է սիմֆոնիկ, երգչախմբային, կամերային-գործիքային բազմաոճ ստեղծագործություններ: Կոմպոզիտորի արվեստում կարևոր տեղ են գրավում երաժշտաբեմական ժանրերը՝ խորեոգրաֆիայի նոր միջոցների կիրառմամբ: Հոդվածի շրջանակներում, հակիրճ ներկայացնելով Վ. Շարաֆյանի ստեղծագործական դիմանկարը, առավել մանրամասն կանգ ենք առել, Լևոն Շանթի «Հին աստվածներ» դրամայի հիման վրա նրա հեղինակած «Ձգողականություն» բալետի ստեղծման պատմության, երաժշտալեզվական որոշ առանձնահատկությունների վրա: Բալետում ոչ միայն կարևոր է երաժշտական նյութի մեջ ավանդականի և արդիականի սինթեզը, այլև դասական բալետի և ժամանակակից խորեոգրաֆիայի անսպասելի համադրումները: Երաժշտաբեմական հետաքրքիր լուծումների միջոցով, բալետի հերոսների ապրումները դրամատիզմացվում և հոգեբանականացվում են: Երաժշտական լեզվի մեջ հեղինակն օգտագործում է ժամանակակից կոմպոզիտորական հնարներ: Սույն հոդվածում մեջբերել ենք «Ձգողականություն» բալետի շուրջ Վ. Շարաֆյանի հետ ունեցած անձնական զրույցից որոշ մտքեր և տեղեկություններ, որոնք արձանագրվում են առաջին անգամ:
Ներբեռնումներ
Հրատարակվել է
Ինչպես մեջբերել
Թողարկում
Բաժին
Արտոնագհր
Copyright (c) 2023 Մարինե Կարենի Հովհաննիսյան
Այս աշխատանքն արտոնագրված է որպես a Creative Commons Attribution-NonCommercial 4.0 International License.
